صينية بطاطس باللحمة المفرومة والبشاميل والجبنة
الطريقة :
بجيب بطاطس وبقشرها واغسلها وابشرها
وبعدين اسبها فى بولة
واجيب اللحمه المفرومة اعصجها ( بجيب طاسة وبحط فيها زيت وبصلة مفرومة وبشوحها وبنزل عليها اللحمة تتعصج وبحط عليها فلفل وملح )
وبعدين بعمل البشاميل عباره عن ( معلقة زبدة وشوية زيت عشان الزبدة متتحرقش وبعدين بنزل عليها حوالى معلقتين كبار دقيق وبقلبهم كويس لحد ما الزبدة تلم مع الدقيق ع النار في الحلة وبعدين بنزل عليهم نص لتر لبن مدوب فيه بيضة وبفضل اقلب ع النار لحد ما قوام البشاميل يتماسك ولو احتاجت لبن بزود ولو احتاجت دقيق لو البشاميل مش ماسك بزود وبحط ملح وفلفل )
وبعدين باخد حوالى 4 معالق كبيرة بشاميل وبحطهم فى بولة البطاطس المبشورة
وبحط عليهم حوالى معلقتين كبار من اللحمة المتعصجة
وبعدين بحط حوالى معلقة ف ارضيه الصينية وبرص طبقة في الصينية من البطاطس وفوقها بحط طبقة من اللحمة وفوقها طبقة تانية من البطاطس
وبعدين بحط البشاميل وببشر جبنة رومي وجبنة كورة ع الوش ولو بتحبى الموتزريلا حطي بس مش بتبقى بحلاوة الجبنة الرومي لأنها بتدى طعم وريحة حلوة جدا
وبعدين بدخلها الفرن وبتابعها لحد ما تتحمر وبتقعد من ربع ساعه لتلت ساعه على درجة حرارة متوسطة
والبطاطس بتستوى على طول لانها مبشورة مش بتحتاج تتسلق ولا حاجة
وتتقدم
وبألف هنا وشفا :)
0 التعليقات:
إرسال تعليق