قوارب البطاطس بحشو اللحمة المفرومة والخضروات
الطريقة :
جبت عدد 2 بطاطس
انتى ممكن تعملي الكمية اللى تعجبك
وبعدين نقعت البطاطس فى ماية شوية لمده حوالي 10 دقايق
وبعدين غسلت كل بطاطساية كويس وحطيت حله فيها ماية وشوية ملح ع النار
وقسمت البطاطس نصين
وسبتها لحد ما تتسلق كويس
وبعدين طلعتها شلت منها القشر
فى ناس بتسيبه عادي بس انا بفضل انى اشيله
وحفرت بالمعلقة تجويف فى البطاطس وخليتها شبه المراكب كده
وبعدين جبت طاسة وحطيت فيها شوية زيت وبصلة صغيره مبشورة
وشوحتها وبعدين نزلت عليها اللحمة المفرومة وانتى تبع كميتك من البطاطس هتعرفى هتحطي اد ايه لحمة
وبعدين نزلت عليها ملح وفلفل وكمون
وقطعت فيها طماطم مكعبات صغيره
وفلفل اخضر متقطع
وبعدين لما خلص سبته على جنب
وجبت حلة تانية وعملت صوص البيتزا
وهيا عبارة عن معلقة صلصة بيوريه ( الصلصة العلب )
وبعدين حطيت كيسين كاتشب وشوية زعتر حوالى معلقة صغيره مليانة لان انا بحب الزعتر جدا
وملح وفلفل وفصين توم مفرومين
وشوية ماية
ولما بدأوا يغلوا اول غلوه طفيت علي الصلصة بتاعتي
وبعدين جبت قوارب البطاطس ودهنتها من جوة بالصلصة وحطيت شوية يعملوا طعم يعني مش لازم ندهنها بس
ممكن نحط عادي شوية
وبعدين حطيت اللحمة المتعصجة بالخضروات
وع الوش حطيت شرايح جبنة كورة وجبنة رومي
ورصتها فى صينية بايركس
ودخلتها الفرن يا دوبك تاخد وش والجبنة تسيح
وطلعتها وده كان شكلها
وتتقدم بقا جنب اى حاجه بتحبيها
وبألف هنا :)
