كنافة بالجمبري
الطريقة :
بنحضر الجمبري وبنقشره بس بنسيب الديل مش متقشر ونغسله كويس ونحطه فى بولة ونعمله صوص
الصوص عباره عن ملح وفلفل وكمون وكاري وجنزبيل ومعلقة صلصه وكيسين كاتشب ونص لمونة
وبنقلب الجمبرى كويس جدا فى الصوص ونسيبه فى التلاجة حوالي ساعه اقل حاجه
وبعدين بنكون محضرين كنافة شرايط
وبنطلع الجمبرى من التلاجه وبناخد الجمبرياية نحطها على الكنافة ونلف الكنافه عليها ونطلع الديل بره باين
وبعد ما نلف كل الجمبرى بناخد الصوص المتبقى ونرشه عليه من فوق
ونجيب طاسة ونسخن فيها زيت وننزل الكنافه بالجمبرى فيها ونخلى بالنا منها عشان متتحرقش لأنها مش بتاخد وقت خالص
واول ما يبقى لونها دهبى نطلعها على مناديل تتصفى
ونقدمها مع سلطة طحينة او مايونيز بنزل الكنافه بالجمبري فيها وناكلها
وبألف هنا :)
0 التعليقات:
إرسال تعليق