سمان مشوى
الطريقة:
الاول بنجيب بصل كبير وعلى حسب الكمية اللى عندنا يا بنقلل يا بنزود وبنفرمه ناعم وبنحطه ف حلة ومعاه كوبايتين ماية وملح وحبة فلفل حلويييين عشان نعمل الحشوة بتاعة السمان اللي هيا المارتة وانا بحط التاتش بتاعي فى الحشوة وبضيفلها طماطم مكعبات وفلفل اخضر شرايح وشوية كارى بجد بيفرق فى الطعم كتييييييييييييييير
وبعدين بجيب السمان بيكون طبعا مغسول كويس ومنقوع فى مايه وخل وبصفيه واحشيه
واقفله بخله الاسنان بس بحرص عشان جلد السمان ضعيف
وبعدين بنزله فى مايه تكون سخنه فى حلة ومعاه ورقة لورى وفصين حبهان بفتحهم وانزلهم فى المايه وبصله صغيره متقشره
وبسيب السمان يتسلق
وبعد ما يخلص سلق بجيب بولة وبعمل فيها صوص عباره عن معلقه صلصة جاهزة وكيسين كاتشب وشوية كارى وملح وفلفل وكمون ونص لمونة وجنزبيل وشوية زعتر ناشف
وبعدين بحط ع الصوص ربع كوبايه مايه وبقلبه كويس واحط السمان فى البولة وانزله ف الصوص لحد ما يبقى كله صوص
واجيب صينية تيفال او اى صينية واحط فيها السمان وفى ارضيه الصينية احط الصوص المتبقى
واولع الشوايه اللى فى الفرن واسيب السمان فيها حوالى 5 دقايق بس اتابع عشان الشوايه دي بتشوى على طوووووووووول
عشان متحرقليش السمان
وبعد كده بقدمه
وبالهنا والشفا :)
0 التعليقات:
إرسال تعليق