سمك سنجاري بمكعبات البطاطس بخلطة من اختراعي
الطريقة :
بغسل السمكة كويس انا استخدمت سمك فوارغ ( بورى من غير بطارخ ) وبفتحها خالص لحد ما تبقى مفروده فى الصينية
وبعدين بجيب الكبة واحط فيها طمطماية متوسطة وبصلة كبيرة
وفلفلاية خضرة ولمونتين معصورين
وملح وفلفل وكمون وكاري وجنزبيل مطحون
وورشستر صوص وشوية زيت
وبضرب الخليط كويس
وبقطع مكعبات صغيرة اوى من البطاطس وبحطها فى بولة
وبعدين بحط فى الصينية ورقة فويل كبيرة وبحط فيها السمكة
وبحط من الخلطة اللى انا عملتها على السمكة المفتوحة دي وبغطيها كلها بيها
وبحط حلقات فلفل اخضر على البطاطس وحلقات لمون على السمكة
وبحط حلقات فلفل اخضر على البطاطس وحلقات لمون على السمكة
وبحط باقى الخلطة على البولة اللى فيها البطاطس المكعبات وبقلبها فى الخلطة دي كويس جدا
وبعدين بحط البطاطس حوالين السمكة فى الصينية
وبرش عليها شوية زيت صغيرين وبغطى الصينية بورق فويل
وبدخلها الفرن حوالي 40 دقيقة على نار مظبوطة
بعد حوالى نص ساعه من دخول الصينية الفرن بطلعها اكشف ورق الفويل
وادخلها تاني من 5 ل 10 دقايق
وبتتقدم بالصينية كده زي ما هيا عشان لو حاولتى تطلعيها ممكن تتفتت منك
لأن السمك لما بيستوى بيضعف وبعدين احنا كمان فاتحينها فمفيش حاجه تمسكها كويس
وبيتقدم مع رز ابيض
وبألف هنا :)
0 التعليقات:
إرسال تعليق