الرز الملون
الطريقة :
بنغسل الرز كويس وبنحط حلة ع النار ونحط فيها شوية زيت
ونضيف عليهم الشعرية والمقدار حسب كمية الرز اللى هتعمليها
وممكن تقلليه وممكن تزوديه
وبعدين بنحط الماية ( انا بحط مقدار الماية اد مقدار الرز )
فى بيعملوا مقدار الماية ضعف الرز وفى اقل من كده
المهم بعد ما بحط الماية
بنزل عليها الرز وبقلبهم كويس وبحط عليهم الملح وبقلب كويس
وبغطي الحلة والنار تكون عالية
واول ما الرز يشرب مايته بقلبه كويس عشان ميتلسعش من تحت
وبوطي النار عليه
وحوالى ربع ساعه او تلت ساعة والرز بيكون خلص
وبعدين باخد جزء من الرز فى بولة
وبضيف عليها لون طعام نقطة صغيرة
انا عندى الوان بودر حطين نقطة صغيره جدا وعليها نقطة ماية صغيرة جدا
وقلبت الرز اللى فى البوله بيها
وبعدين جبت البوله اللى هقلب بيها الرو للتقديم حطيت الرز الاحمر فى ارضية البولة
والرز الابيض فوق الرز الاحمر
وقلبت الرز على طبق التقديم
وكده جاهز ع التقديم
وبألف هنا :)
0 التعليقات:
إرسال تعليق