شوربة لسان عصفور بطعم الأندومي
الطريقة :
بحط حلة على النار واحط فيها شوية زيت
وبعدين بنزل عليهم شوية لسان عصفور على حسب الكمية اللى تحبيها
وبعدين بحمرهم شوية فى الزيت وعليهم حبتين حبهان وبفتحهم قبل ما احطهم وورقة لوري
وبحط عليهم مكعبين مرق دجاج عشان يسيح مع لسان العصفور ويشرب منه الطعم
وبعدين بنزل على لسان العصفور حوالى كوبايتين ماية شوب كبيرة
ولو عايزة تزودى زودي
واول ما تلاقي المايه سخنت وطي النار
وغطي على الحلة
وهيا تقريبا بتاخد حوالي ربع ساعه عشان تستوي
وبعدين تدوقي الشوربة لو احتاجت ملح حطي وبتزودي شوية فلفل
وبتتقدم مع عصر نص لمونه حسب الرغبة
وفى طريقة تانية وانا بفضلها كتير عن الاولي وبيبقى طعمها بجددددد زي الاندومي خااالص والمكرونة بتبقى بيضة
وهيا بتبقي ان انا محمرش لسان العصفورفى الزيت ولا حاجة واعمله ني فى ني يعني بحط مايه ومعاها حبتين حبهان وبفتحهم وورقة لوري وبنزل لسان العصفور عليهم وشوية زيت صغيرين عشان المكرونة متعجنش وتلزق فى بعض
بيطلع زي الاندووووووومي اكتر مش بيبقى فيه طعم التحميص بتاع لسان العصفور
وبجد بيبقى تحفة
وبنقدمه سخن
وبألف هنا :)
0 التعليقات:
إرسال تعليق