فراخ بانيه كرسبي
الطريقة :
بنجهز بولة ونعمل فيها التتبيلة بتاعة البانيه وهيا عباره عن : بصله ونص طمطمايه وملح وفلفل وكمون
وكاري وزعتر وبنضربهم فى الخلاط عشان البصل ينزل مايته
وبعدين بنحط التتبيلة فى بولة وننزل البانيه فيها
وبعدين بنقلبه في التتبيله عشان كل الفراخ تاخد الطعم
وبندخلها التلاجة حوالى ساعتين والاحسن من بالليل للصبح
وبعدين لما بنطلعها بكون محضرين دقيق وبيض عليه ملح وفلفل وزعتر وشوية لبن ولو مفيش لبن مش مشكله
وفجيتار مخلوط بكورن فليكس متكسر مش مطحون اوى يعني متكسر شوية
وبعدين بننزل البانيه في الدقيق ونغلفه كويس وننزله بعد كده في البيض وبعدين نغلفه بالفجيتار
وبنحطه فى طبق لحد ما نخلص كل القطع وندخله التلاجه حوالى نص ساعه
وبعدين بنسخن زيت غزير فى الطاسه ( المقلاية ) وبعدين بننزل قطعه قطعه عشان منخليش الزيت يفقد حرارته
واول ما الجنب اللى حاطينه فى الزيت ياخد اللون الدهبي بتاع البانيه نقلبه النحية التانية
ونطلعه يتصفى على ورق مناديل
وبعدين نقدمه مع رز بالكاري او مع عيش وطحينة وبطاطس كرسبى
وبألف هنا :)
0 التعليقات:
إرسال تعليق