سمك بربوني مقلي
الطريقة :
بنضف السمك كويس جدا وبنضف بطنه وبنقعه فى ماية وخل وبعدين بصفيه كويس وبحشى بطنه توم مفروم بالملح والفلفل والكمون وقرن فلفل حار وبدعك السمك بيه من بره كمان
وبسيبه حوالى ساعة فى التلاجة
وبعدين بسخن طاسة على النار وبحط فيها زيت
وبعدين بغلف السمك بالدقيق كويس جدا وبنفضه من الدقيق الزيادة
وبعدين بلزق ديل كل 3 سمكات في بعض وبعدين بنزله ف الزيت بعد ما بلاثى الزيت سخن بوطى على النار عشان السمك يستوى وبعلى ف الاخر عشان ياخد لون
بس نخلى بالنا عشان ميتحرقش وناخد بالنا عشان السمك ميتفرفتش لأن البربوني ضعيف ولما يخلص ويدينا اللون الدهبي الجميل ده بنطلعه على مناديل يتصفى ونقدمه
وبألف هنا :)
0 التعليقات:
إرسال تعليق