حواوشى اسكندراني
الطريقة :
كان عندي نص كيلو لحمه مفرومة حطيته فى بولة
وبعدين حضرت الكبة وحطيت فيها بصلة متوسطة وطمطمايه صغيرة وفلفل اخضر
وملح وفلفل وكمون وبهارات لجمة وجنزبيل وشوية زيت
وبعدين ضربتهم كويس فى الكبة وبعدين طلعت الخليط ده حطيته على اللحمه المفرومة اللى فى البولة
ونقلب الخليط باللحمة كويس جدا
وبعدين سبت اللحمه فى التلاجة من قبلها بيوم
بس ممكن تستعمليها بعد حوالى نص ساعه فى التلاجة
وبعدين جبت عيش ابيض عادي
وقسمته نصين وجبت فرشه ودهنت العيش من جوة زيت خفيف اوى
وبعدين حشيت العيش باللحمة المفرومة المتبلة
وكنت فاتحة الفرن يسخن
ودهنت العيش من بره بالزيت بعد ما حشيته
ورصيت الحواوشى فى صينية مدهونة زيت خفيف اوى
وحطتها فى الفرن ولما الاقى جنب اتحمر اقلبها على الجنب التاني
وبعدين بطلعها على ورق مناديل
وبعدين بقدمها مع مخللات
وبألف هنا :)
0 التعليقات:
إرسال تعليق