مكرونة سباجيتي بالكبدة
الطريقة :
بحضر حلة وفيها ماية ونقطة زيت وشوية ملح ولما تسخن بنزل فيها الاسباجيتي لحد ما يستوى تلت تربع سوا
وبعدين بصفيه واحط عليه شوية زيت عشان ميلزقش فى بعضه ويعجن
وعلى نار تانية بحضر طاسة فيها شوية زيت وبصلة مفرومة واشوحهم وانزل عليهم فصين توم مفرومين
وبعدين بنزل عليهم قطع الكبدة المتقطعه مكعبات
اشوحها مع البصلة واول ما تبدأ تستوى احطلها الملح والفلفل والكمون
وبعصر طماطم فى الخلاط وبنزلها على الكبدة وعليها معلقتين صلصة جاهزة او معلقه حسب الرغبة
واول ما نلاقى الصلصة بدأت تتسبك على النار بنظبط الملح والفلفل بتاعها
وبعدين ننزل الكبدة بالصلصه بتاعتها فى الحلة اللى فيها المكرونة المتصفية
ونقلبهم كويس ونحطهم على نار هادية عشان يتجانسوا مع بعض ونكمل تسوية المكرونة لمدة حوالى 5 دقايق تقريبا
وبكده تكون خلصت
وتتقدم
وبألف هنا :)
0 التعليقات:
إرسال تعليق