طريقة الفراخ بصوصى الخاص من مطبخ NOny El MaTry
طريقة الفراخ:
انا جبت فرخة كاملة وحطتها ف ماية وخل عشان لو فيها اى ميكروبات او جراثيم عشان نبقى ف السليم وبعدين قطعت الفرخة الصدور لوحدها والدبابيس لوحدها والفخاد لوحدها وبعدين سلقتها فى مايه و2 حبهان و ورقة لورى وبصله صغيره متقشره وملح وفلفل ولما استوت تلت تربع سوى طلعتها تبرد عشان اشيل منها الجلد وحضرت طبق غويط بلاستيك فيه الصوص بتاعى والصوص عبارة عن ( زيت وخل وملح وفلفل وكمون وبابريكا و كارى وبصل بودر وتوم بودر وبهارات فراخ ولمونة ومعلقة صلصة جاهزة وكيس كاتشب وربع كوباية ماية ) وضربت الصوص كويس اوى اوى بالمعلقه وبعدين نزلت فيه الفراخ ساعه وكل شوية اقلبها ف الصوص وبعدين سخنت طاسة كبيرة عشان عايزة كل قطعه من الفراخ تلمس الطاسه ودهنت الطاسه بفرشة بالزيت بس مش كتير عشان انا اصلا حاطه ف الصوص زيت ونزلت قطعه قطعه عشان الطاسه متفقدش حرارتها بس نفضت الفراخ من الصوص وبعد ما الفراخ اخدت صدمة فضلت احط عليها شوية صوص بالمعلقه من فوق وقلبتها على النحية التانيه لما اتكرملت واخدت لون الكراميل كده وبعدين نزلت باقى الصوص اللى عندي عليها وبعد ما خلصت قدمتها مع رز اخضر بالبقدونس والشبت وملوخية وبالهنا والشفتشى
3 التعليقات:
اوووبا بأه اوعى والنبى انتى خساره ف البلد دى يا بنتى :D تسلم ايدك وطريقة تقديمك للاكل بجد تفتح النفس م شاء الله <3
ميرسيه يا ساسو يا رووحي انا :*
إرسال تعليق