سمك شبار مقلي ( بلطي ) من مطبخي
الطريقة
هننضف السمك كويس جدا وننقعه في مايه وشوية خل
وبعدين هنعمل التومة بتاعته هيا عبارة عن فصوص توم وملح وفلفل وكمون وشطة
وكزبرة ناشفه وقرن فلفل رفيع ويدق كويس جدا
ونحشى بطن السمكة بالتوم ونبقى عاملين فتحة ف وش وضهر السمكة ندخل فيها
الحشو ده بردو وبعدين نعصر عليها لمونة ونسبها
حوالى ساعه تمتص التتبيله بتاعتها
وبعدين نسخن زيت غزير ونغطى السمك بالدقيق بس ننفضه قبل ما ننزله ف الزيت عشان الدقيق ميتحرقش ف الزيت ويعمل قشره
محروقة للسمكة
وبعد ما الزيت يسخن كويس نوطى عليه وننزل السمك سمكة سمكة بالراحة اولا عشان الزيت مش يطرطش وثانيا عشان الزيت
ميبردش على طول
ونسيب السمكة تستوى طبعا على نار هاديه ومجرد ما تستوى من جنب نعلى شوية صغيرين تاخد اللون الدهبى بس نخلى بالنا عشان
مش تتحرق مننا
وبعدين نوطى النار ونقلب السمكة على الجنب التاني تستوي بردو وبعدين نبقى نعلى عشان تاخد بردو اللون الدهبى
وبعدين نطلع السمك على ورق مناديل او فى مصفى ستانلس عشان ينزل الزيت بتاعه
وبعدين نقدمه بالطريقة اللى تعجبنا
0 التعليقات:
إرسال تعليق