أكواب البيتزا السريعة
المكونات:
عيش كايزر - حلقات فلفل اخضر - شرايح جبنة كورة او اى جبنة بتحبيها - زتون مقطع - اى لحوم تحبيها انا استخدمت سجق وبسطرمة بس سلقت السجق عشان يبقى مستوى وقطعته حلقات
مكونات وطريقة الصلصة اللي هيدهن بيها الكايزر من جوة:
معلقة صلصة جاهزة - كيس كاتشب - فصين توم مفرومين - ملح - فلفل - كمون - حبة زعتر حلوين
هنحط الصلصة والكاتشب وربع كوباية ماية وفصين اتوم المفرومين والتوابل وونقلب كويس تقليبة ونطفى
طريقة أكواب البيتزا:
هنشيل راسه بس كده كأننا بنشيل الكاب بتاعه بالسكينة وبعدين هنشيل اللبابة بتاعه العيش بالراحة وبعدين ندهن الارضية بالصلصة اللى عملناها وبعدين نحط المكونات وعلى الوش اللحوم بعد الصلصله وحلقات الفلفل الاخضر وبعدين شرايح الجبنة الكورة وبعدين الزتون وشوية زعتر ع الوش
وتدخل الفرن لمده 3 دقايق مش هتحتاج اكتر من كده عشان تبقى طرية وحلوة
انا عملتها ف الميكروويف كانوا 4 كايزرات على 5 دقايق وطلعوا حلوين وبعدين حطيت واحده بس على 5 دقايق اتحرقت وعملت بدالها 2 على 3 دقايق طلعوا حلوين اوى
وتتقدم مع بطاطس محمرة
وبالهنا والشفتشي
وتدخل الفرن لمده 3 دقايق مش هتحتاج اكتر من كده عشان تبقى طرية وحلوة
انا عملتها ف الميكروويف كانوا 4 كايزرات على 5 دقايق وطلعوا حلوين وبعدين حطيت واحده بس على 5 دقايق اتحرقت وعملت بدالها 2 على 3 دقايق طلعوا حلوين اوى
وتتقدم مع بطاطس محمرة
وبالهنا والشفتشي
0 التعليقات:
إرسال تعليق