مكعبات الدجاج بصوص الزعتر والليمون ( بخلة الاسنان )
الطريقة:
هنجيب صدور فراخ مخلية ولو مش مخلية هنخليها
انا كان عندي نص فرخة صدور بالعضم بتاعها
هنفصل اللحم عن العضم وهنشيل الجناحات والعضم وممكن نعمل بيهم شوربة لو عايزين
المهم هناخد اللحم ونقطعه قطع طولية وبعدين نقطعها مكعبات
وبعدين هنجيب طبق نحط فيه مكعبات الفراخ
ونحط عليها التتبيلة دي وهيا عبارة عن ( ملح وفلفل وكمون وشطة وبابريكا وبصل باودر وكيسين كاتشب وشوية زيت ولمونة كاملة وحبة زعتر حلوين )
وبعدين نقلب المكعبات ف التتبيلة كويس جدا
وندخلها ف التلاجة نص ساعه لو مستعجلة او ساعة لو مش مستعجلة
وبعدين نطلعها ونحط كل مكعبين ف خلة واحدة
ولو لقيتيها مش مكفيه هتكفى ان شاء الله عشان هيا لسه هتكش لما تتعمل
وبعدين هنسخن طاسة ( مقلاية) تيفال واسعه
متكونش صغيرة عشان كل خلة تلمس ارضية الطاسة عشان تستوى وتاخد لون
المهم مش هنحط زيت ولا حاجه عشان التتبيلة فيها زيت
ووهنفض الخلة بالمكعبات من التتبيلة وهننزل خلة خلة عشان الطاسة ( المقلاية ) متبردش
ونوطى النار عشان الفراخ تستوى وتاخد لون واول ما تاخد لون نقلبها ع الجنب التاني
شوية وهنلاقيها بتنزل مايتها
وهتشرب مايتها تاني هنقوم منزلين عليها التتبيله اللى كانت ف الطبق بتاعنا ونغطيها حوالى 5 دقايقهتشرب التتبيلة
ونطلعها ونقدمها
وبالهنا والشفتشي
1 التعليقات:
والنبى انتى فنانه يا بت يا نونى م شاء الله اكلك كلو شكلو يفتح النفس :* <3
إرسال تعليق