جمبري مشوي بصوصي الخاص
الطريقة :
بجيب الجمبري ونغسله كويس جدا
وبعدين نجيب بولة نعمل فيها الصوص بتاع الجمبري
وهو عبارة عن توم مفروم وملح وفلفل وكمون وكزبرة ناشفة وتوم بودر وبصل بودر وجنزبيل وكاري ومعلقة صلصلة
ونص لمونة وشوية زيت صغيرين ونقلب الصوص كويس مع بعضه وبعدين نضيف الجمبرى ع الصوص في البولة
وبعدين هنسيبه حوالى ساعه في التتبيلة
وبعدين هنجيب الشواية وندهنها بالزيت
ونكون ناقعين الشيش فى ماية عشان ميتحرقش
ونحط الجمبرى فى الشيش ونحطه على الشواية ونسيبه حوالي خمس دقايق على جنبه وبعدين نقلبه ع الجنب التاني خمس دقايق
وهو ع الشواية بنجيب فرشة وندهن الجمبرى بالصوص المتبقى عشان ياخد الطعم اكتر
وبكده الطبق يكون جاهز ع التقديم
وبألف هنا :)
0 التعليقات:
إرسال تعليق