كب كيك الهوهوز
المقادير :
كوب زيت
كوب سكر
كوب ماء
كوب وربع دقيق
ملعقتين كبار بيكنج بودر
كيس فانيليا
4 ملاعق كاكاو
4 ملاعق لبن سايل مش بودر
2 بيضة
الطريقة :
هنجيب الخلاط ونحط فيه كوب الماء وكوب الزيت وكوب السكر وكيس الفانيليا و 4 ملاعق الكاكاو
وبعدين هنضربهم كويس فى الخلاط لحد ما السكر يدوب
وبعدين هنطلع كوب من الصوص اللى اتعمل على جنب عشان هنرشه ف الاخر على الكيك لما يخلص
وبعدين هنضيف لباقى الكمية عدد 2 بيضة ونضرب الخليط كويس
وبعدين ننزله فى بولة ونضيف عليه كوب وربع دقيق وملعقتين كبار بيكنج بودر
ونضربهم بايدينا كويس ومينفعش يتعملوا ف الخلاط عشان الكيكة متهبطش
وبعد كده نكون محضرين الصواني بتاعتنا
ونحط فيها الخليط بعد ما نكون دهنا الصوانى بماده دهنيه ودقيق
وندخل الكيك فى فرن يكون سخن
والكب كيك ده مش بياخد وقت كتيره اوى 3 او 4 دقايق
وبعدين بعد ما يخلص بنطلعه على طبق التقديم
وبنرش فوقه الصوص
وبألف هنا :)
0 التعليقات:
إرسال تعليق